ЭМЯ: Хөдөө, орон нутагт халдвар нэмж бүртгэгдээгүй

Эрүүл мэндийн яамнаас өнөөдрийн /2021.01.19/ 11:00 цагийн ээлжит мэдээллээ хийлээ. 

Энэ үеэр ХӨСҮТ-ийн Тандалт, судалгааны албаны дарга А.Амбасэлмаа "Өнгөрсөн хоногт нийт 17,646 иргэнд коронавирусний халдварын шинжилгээ хийлээ. Үүнээс 10 хүнээс халдвар илэрлээ. Бүгд Улаанбаатар хотод бүртгэгдсэн. Өмнө нь батлагдсан тохиолдлуудын  ойрын хавьтлын хүмүүс байна. Ингэснээр Улаанбаатар хотод бүртгэгдсэн дотоодын халдварын тоо 709 боллоо. Улсын хэмжээнд нийт 1035 тохиолдол бүртгэгдлээ. ХӨСҮТ-өөс өнгөрсөн 24 цагийн хугацаанд 28 хүн эдгэрч, гэртээ гарлаа" гэх мэдээллийг өглөө. 

Өнөөдрийн байдлаар нийт 530 хүн эмчилгээ, ажиглалтад байна. Биеийн байдал нь маш хүнд хоёр хүн байгаа талаар ХӨСҮТ-өөс мэдээллээ. Түүнчлэн өнгөрсөн хоногт орон нутагт халдварын тохиолдол бүртгэгдээгүй гэдгийг хэлж байна. 

© 2019. All Rights Reserved. Вэб сайтыг DsSoft LLC.